కలిసిన మనసులు (1968

చిత్రం: కలిసిన మనసులు (1968)

సంగీతం: మాస్టర్ వేణు

గీతరచయిత: దేవులపల్లి

నేపధ్య గానం: ఘంటసాల, సుశీల

పల్లవి:

ఒక్క క్షణం ఒక్క క్షణం

నన్ను పలకరించకు నా వైపిటు చూడకు

ఒక్క క్షణం ఒక్క క్షణం

నిన్ను తలచుకోనీ నా కన్ను మూసుకోనీ

మోయలేని ఈ హాయిని మోయనీ

ఒక్క క్షణం ఒక్క క్షణం

ఒక్క క్షణం ఒక్క క్షణం

ఆ రెప్పలు వాల్చకూ

అటు ఇటు కదలకు

ఒక్క క్షణం ఒక్క క్షణం

చరణం 1:

ఆ కన్నులలో ఊహల అర్ధమేదొ అడగనీ

ఆ కొలనులలో నీడలా అదే పనిగ చూడనీయ్

మోయలేని ఈ హాయిని మోయనీ ఒక్క క్షణం ఒక్క క్షణం

చరణం 2:

ఆకులతో గాలి ఊసులాడకూడదు

ఏటిలోని అలలు పెదవి విప్పకూడదు

ఆకులతో గాలి ఊసులాడకూడదు

ఏటిలోని అలలు పెదవి విప్పకూడదు

మేను మేను తాకగా.. మౌనముగా గువ్వలవలే

కొమ్మ పైని మాటాడక కునుకు జంట పువ్వుల వలే

మోయలేని ఈ హాయిని మోయనీ ఒక్క క్షణం ఒక్క క్షణం

చరణం 3:

మోము పైన ముంగురులు ముసరవచ్చునా

మోవి చుట్టు కోరికలు మూగవచ్చునా

మోము పైన ముంగురులు ముసరవచ్చునా

మోవి చుట్టు కోరికలు మూగవచ్చునా

వాగులాగా ఈ సమయం సాగిపోవుననే భయం

నాలో నిండిన నీవే నాకు చాలు నేటికి

మోయలేని ఈ హాయిని మోయనీ ఒక్క క్షణం ఒక్క క్షణం

ఒక్క క్షణం ఆ.. ఆ

ఒక్క క్షణం..ఆ..ఆ

ఒక్క క్షణం ఆ.. ఆ

Kalasina Manasulu | Okka Kshanam song

Watch the romantic song, "Okka Kshanam" sung by Ghantasala and P Susheela from the film Kalasina Manasulu. Cast: Sobhan Babu, KR Vijaya, Chandrakala Music: M...