ష్...గప్ చుప్

తెలుగందాలే నన్ను తొంగి తొంగి చూసెనమ్మ తొలకరిగా మకరందాలే మది పొంగి పొంగి పోయెనమ్మ తుంటరిగా చిత్రం : ష్...గప్ చుప్ సాహిత్యం : వేటూరి గానం : బాలు, చిత్ర సంగీతం : రాజ్,కోటి పల్లవి : తెలుగందాలే నన్ను తొంగి తొంగి చూసెనమ్మ తొలకరిగా మకరందాలే మది పొంగి పొంగి పోయెనమ్మ తుంటరిగా అమ్మడి సిగ్గులే గుమ్మడి పువ్వులై పిల్లడి పల్లవే పచ్చని వెల్లువై సాగపా దాపపా దాససా రీసదా సాగపా దాపపా దాససా రీసదా కాటుకాకళ్ళలో కన్నె వాకిళ్ళలో చరణం : తిక్కనలో తీయదనం లిపి చక్కని నీ కన్నెతనం పోతనలో రామరసం, వడబోసెను నీ ప్రేమరసం ప్రాయానికే వేదం, నవపద్మావతీపాదం రాగానికే అందం రసగీతగోవిందం వంశధర ఒడిలో హర్షవల్లికా సూర్యకాంత వీణారాగదీపిక సాగపా దాపపా దాససా రీసదా సాగపా దాపపా దాససా రీసదా కాటుకాకళ్ళలో కన్నె వాకిళ్ళలో తెలుగందాలే నన్ను తొంగి తొంగి చూసెనమ్మ తొలకరిగా మకరందాలే మది పొంగి పొంగి పోయెనమ్మ తుంటరిగా చరణం : క్షేత్రయలో జాణతనం, వరదయ్యెనులే వలపుతనం అందని నీ ఆడతనం, అమరావతిలో శిల్పధనం ఏడుగ చీలిందిలే నది గౌతమి గోదావరి ఏకం కావాలిలే ఏడుజన్మలబంధాలివి కృష్ణవేణి జడలో శైలమల్లిక శివుని ఆలయాన భ్రమరదీపిక సాగపా దాపపా దాససా రీసదా సాగపా దాపపా దాససా రీసదా కాటుకాకళ్ళలో కన్నె వాకిళ్ళలో తెలుగందాలే నన్ను తొంగి తొంగి చూసెనమ్మ తొలకరిగా మకరందాలే మది పొంగి పొంగి పోయెనమ్మ తుంటరిగా https://www.youtube.com/watch?v=_ZxtIPYNeas&feature=youtu.be telugandaale from shh..gupchup...Lyrics that reflect Telugu culture. తెలుగందాలు, కాటుక కళ్ళు, కన్నె వాకిళ్ళు, తిక్కన, పోతన, వంశధార, క్షేత్రయ, అమరావతి, గోదావరి, కృష్ణవేణి...