సంఘం.

హృద్యమైన చిత్రీకరణ గల "సుందరాంగ మరువగలేనోయ్" - సంఘం చిత్రం నుండి

1954 లో విడుదలైన చిత్రం సంఘం. కులాంతర వివాహాల నేపథ్యంలో శృంగార, హాస్య చిత్రమిది. ఇందులో రామారావు, అంజలి, వైజయంతిమాల నటించారు.  హిందీ చిత్ర రంగంలో ప్రఖాతి పొందిన అలనాటి తెలుగు-తమిళ తార వైజయంతిమాల ఈ పాటలో ఎంతో అందంగా కనిపిస్తుంది.  పాట చిత్రీకరణ చూస్తే అంత పాత చిత్రంలో కూడ సాంకేతిక విలువలు ఎంత గొప్పగా వున్నాయో తెలుస్తుంది. ఈ చిత్రానికి సంగీతం ఆర్. సుదర్శనం. సుందరాంగ మరువగలేనోయ్" పాట అలనాటి సూపర్ డూపర్ హిట్. ఈ పాటలో వైజయంతిమాల, అంజలి నటించారు.ఈ పాట రచయిత శ్రీ తోలేటి. గానం పి.సుశీల, టి.ఎస్.భగవతి.

ప.    సుందరాంగ మరువగలేనోయ్ రావేలా..
        నా అందచందములు దాచితినీకై రావేలా                    | సుందరాంగ |
  

చ.   ముద్దు నవ్వుల మోహన కృష్ణా రావేలా                | ముద్దు |

      నవ్వులలో రాలు సరాగాలు రాగమయ రతనాలు      | నవ్వులలోనా |

      సుందరాంగ  మరువగ లేనోయ్ రావేలా

      నా అందచందములు దాచితి నీకై రావేలా

ప.   నీలికనులలో వాలు చూపుల ఆవేళా

      నను చూసి కనుసైగ చేసితివోయీ ఆవేళా             | నీలి కనులలో |

      కాలి మువ్వలా కమ్మని పాట ఆవేళా                   | కాలి మువ్వలా |

      ఆ మువ్వలలో తెలుపు అదే మనసు

      మురిసే మన కలగలుపు                                | ఆ మువ్వల |  

చ.    హృదయ వీణ తీగలు మీటీ ఆవేళా... 
        అనురాగ రసములే పిండితివోయీ...రావేలా                 | హృదయ |
        మనసు నిలువదోయ్ మగువసొంతమోయ్...రావేలా..   | మనసు |
        పువ్వులు వికసించే ప్రకాశించే ప్రేమతో పల్లవించే.....      | పువ్వులు |
        సుందరాంగ మరువగలేనోయ్ రావేలా..
        నా అందచందములు దాచితినీకై రావేలా