PRANJALI PRABHA Telugu (Songs): అనగనగా ఒక రాజు

తెలుగువారికి శ్రీ శ్రీ సందేశం - 'అనగనగా ఒక రాజు' డబ్బింగ్ చిత్రం నుండి ఘంటసాల గళంలో

1958 లో నిర్మించబడిన "నడోడి మన్నన్‌" (The Vagabond King) అనే తమిళ చిత్రాన్ని తెలుగులో "అనగాఅనగా ఒక రాజు" గా డబ్బింగు చేశారు. ఈ చిత్రం ఆరోజుల్లో రూపొందిన అతి పెద్ద చిత్రం. ఇది 5 గంటల సినిమా. అయితే కొంత ఎడిటింగ్ చేసాక 3.5 గంటలకు వచ్చింది. ఎం.జి.రామచంద్రన్ దర్శకత్వంలో ఆయన ద్విపాత్రాభినయంతో పి.భానుమతి,బి.సరోజాదేవి తో కలసి నటించిన ఈ చిత్రానికి ఘంటసాల ఒక పాట పాడారు. దీనిని మహాకవి శ్రీ శ్రీ వ్రాసారు. సందేశాత్మక గీతాలు వ్రాయడం లో శ్రీశ్రీది అందె వేసిన చెయ్యి. డబ్బింగ్ పాటలో కూడ తన పదాల వాడిని తెలుగువాడికి చూపించి ప్రభావితుడ్ని చేశారు ఆయన. ఈ చిత్రం కోసం శ్రీశ్రీ వ్రాసిన "సుఖపడుటే సుఖమై పరుగిడ నీజన్మం" అన్న పాటలోని భావం అక్షర సత్యం. అయితే ఇది మరుగున పడి వున్న ఒక ఆణి ముత్యం. తమిళంలో ఈ పాటను గోవిందరాజన్‌ పాడారు. అయితే చలన చిత్ర శైశవ దశలో శ్రీ శ్రీ ఎక్కువగా డబ్బింగ్ చిత్రాలకు పాటలు వ్రాసేవారు. తరువాత ప్రముఖులు రాజశ్రీ. అయితే డబ్బింగు పాటలకుండే ఇబ్బందులు పద విచ్చేదనలో స్పష్టంగా తెలుస్తాయి. ఉదాహరణకు - కల్మి, కాన్‌పడదు, కాల్లు చేతుల్ మొదలయినవి. అవి పెదవుల కదలికలకు కూడ అతికినట్టు ఉండాలి మరి.ఈ చిత్రానికి సంగీత దర్శకులు టి.ఎం.ఇబ్రహీం. అయితే తమిళ చిత్రానికి సంగీత దర్శకులు ఎస్.ఎం.సుబ్బయ్యనాయుడు (సంగీతయ్య).

వీడియో మూలం: ఘంటసాల గానామృతం

PRANJALI PRABHA Telugu (Songs)

Tuesday 16 January 2018

అనగనగా ఒక రాజు

తెలుగువారికి శ్రీ శ్రీ సందేశం - 'అనగనగా ఒక రాజు' డబ్బింగ్ చిత్రం నుండి ఘంటసాల గళంలో

No comments:

Post a Comment