*శ్రీకరమౌ శ్రీరామ నామం జీవామృతసారం* జీతెలుగు ఛానల్ లో వింజమూరి అనూహ్య & వైష్ణవి కలిసి పాడిన వీడియో యిది.
చిత్రం - శ్రీ రామాంజనేయ యుద్ధం (1975)
గీతరచన - ఆరుద్ర
సంగీతం - కె.వి.మహదేవన్
గానం - పి.సుశీల, బి.వసంత
శ్రీకరమౌ శ్రీరామ నామం జీవామృతసారం
పావనమీ రఘురామ నామం
భవ తారకమంత్రం
శ్రీకరమౌ శ్రీరామ నామం జీవామృతసారం
పావనమీ రఘురామ నామం
భవ తారకమంత్రం
దధిక్షీరమ్ములకన్నా ఎంతో
మధుర మధుర నామం
సదా శివుడు ఆ రజతాచలమున
సదా జపించే నామం
కరకుబోయ తిరగేసి పలికినా
కవిగా మలచిన నామం
రా... మరా... మరామ... రామ
రామ రామ రామ రామ
రాళ్లు నీళ్లపై నిల్చిన నామం
రక్కసి గుండెల శూలం
శ్రీకరమౌ శ్రీరామ నామం జీవామృతసారం
పావనమీ రఘురామ నామం
భవ తారకమంత్రం
వేయి జపాల కోటి తపస్సుల
విలువ ఒక్కనామం
నిండుగ దండిగ వరములొసంగే
రెండక్షరముల నామం
ఎక్కడ రాముని భజన జరుగునో
అక్కడ హనుమకు స్థానం
చల్లని నామం మ్రోగే చోట
చెల్లదు మాయాజాలం
రామ రామ రామ సీతా
రామ రామ రామ రామ
రామ రామ రామ సీతా
రామ రామ రామ రామ
శ్రీకరమౌ శ్రీరామ నామం జీవామృతసారం
పావనమీ రఘురామ నామం
భవ తారకమంత్రం
No comments:
Post a Comment