169. మిధునం

మిధునం

అనుదినమ్మును కాఫియే అసలు కిక్కు
కొద్దిగానైన పడకున్న పెద్ద చిక్కు
కప్పు కాఫీ లభించుటె గొప్ప లక్కు
అమృతమ్మన్నది హంబక్కు అయ్యలారా...ఆ...ఆ..

జైకాఫి......
విశ్వాంతరాళంబులో నున్న బ్రహ్మాండ గోళాలలో
నీకు సాటైన పానీయమే లేదు ముమ్మాటికీ
అందుకే నిన్ను కట్టేసుకుంటాము మానోటికీ
నాల్కతో నీకు జేజేలు పల్కేము నానాటికీ
యెర్లి మార్నింగులో నిద్రలేవంగనే
పాచి పళ్ళైనయున్ తోమకన్ త్రాగు
బెడ్కాఫి కోసమ్ము పెండ్లాముపై ఱంకెలేయించకే బెస్ట్ టేస్టేశ్వరీ
ఫ్రెష్షు కాఫీశ్వరీ నెస్సు కేఫేశ్వరీ
జిహ్వకున్ సిధ్ధి చేకూర్చవే బ్రూకుబాండేశ్వరీ
లోకప్రాణేశ్వరీ ప్రాణదానేశ్వరీ
గంట గంటా ప్రతీయింట ఉప్పొంగవే ఉష్ణపానీశ్వరీ...
స్టీలు ఫిల్టర్ల పళ్ళెంబులోనున్న
రంధ్రాలలో నుండి నీ సారమంతా సుతారంగ జారంగ
నోరూరుచుండంగ నాసామి రంగా నిజంగానె చచ్చేవిధంగా
కాస్త తాగంగ మళ్ళీ పునర్జన్మ వచ్చేవిధంగా
ప్ప్రొద్దున్నె నీ పొందు లేకున్న మూడంత పాడయ్యె
టైమంత వేస్టయ్యె కచ్చెక్కి పిచ్చెక్కి
అశ్లీల సంభాషణల్ చేసి కాంటాక్ట్స్ సర్వంబు
నాశమ్ము కావించుకుంటారుగా
అందుకే నిన్ను అర్జెంటుగా తెచ్చుకుంటారుగా
దాచుకుంటారుగా కాచుకుంటారుగా
చచ్చినట్లింక యిచ్చేంత సేపందరున్ వేచి ఉంటారుగా
కాఫీని అంతెత్తుపైనుంచి ఓ కప్పులో వుంచి
ఆకప్పు లోనుంచి ఈ కప్పులోపోసి
అట్నుంచి ఇట్నుంచి ఇట్నుంచి అట్నుంచి
బాగా గిలక్కొట్టియున్నుర్గలుప్పొంగగా తెచ్చి ఇస్తారుగా..
గొప్ప నిష్ఠాగరిష్ఠుల్ వరిష్టాలలోనన్
గరిష్ఠంబుగా కాఫి తాగేందుకిష్టంబుగా పోవుగా...
షాపు మూసేయ వాపోవుగా...
సర్వ కాఫీ రసాంగీ సుధాంగీ శుభాంగీ ప్రభాంగీ
నమస్తే నమస్తే నమః
చిత్రం : మిధునం
సంగీతం : స్వరవీణాపాణి
సాహిత్యం : జొన్నవిత్తుల రామలింగేశ్వరరావు
గానం : జొన్నవిత్తుల

Midhunam Movie Video Songs | Coffee Dandakam Telugu Song | SP Balasubramaniam | Lakshmi

Coffee Dandakam full Telugu Video Song from Midhunam movie on Mango Classics, ft SP…