ఆఆఆఆఆఆఅ...
మౌనమేలనోయి...
మౌనమేలనోయి.. ఈ మరపు రాని రేయి
మౌనమేలనోయి.. ఈ మరపు రాని రేయి
ఎదలో వెన్నెల వెలిగే కన్నుల
ఎదలో వెన్నెల వెలిగే కన్నుల
తారాడే హాయిలో..
ఇంత మౌనమేలనోయి ఈ మరపు రాని రేయి
పలికే పెదవి వొణికింది ఎందుకో?
వొణికే పెదవి వెనకాల ఏమిటో?
కలిసే మనసులా.. విరిసే వయసులా
కలిసే మనసులా.. విరిసే వయసులా
నీలి నీలి ఊసులు లేతగాలి బాసలు..
ఏమేమో అడిగినా
మౌనమేలనోయి.. ఈ మరపు రాని రేయి
హిమమే కురిసే చందమామ కౌగిట
సుమమే విరిసే వెన్నెలమ్మ వాకిట
ఇవి ఏడడుగుల వలపూమడుగుల
ఇవి ఏడడుగుల వలపూమడుగుల
కన్నె ఈడు ఉలుకులు కంటిపాప కబురులు...
ఎంతెంతొ తెలిసిన
మౌనమేలనోయి.. ఈ మరపు రాని రేయి
ఇంత మౌనమేలనోయి ఈ మరపు రాని రేయి
ఎదలో వెన్నెల ఆఆఆఅ వెలిగే కన్నుల
ఎదలో వెన్నెల ఆఆఆఅ వెలిగే కన్నుల
తారాడే హాయిలో..
ఇంత మౌనమేలనోయి ఈ మరపు రాని రేయి
చిత్రం : సాగర సంగమం (1982)
సంగీతం : ఇళయరాజా
సాహిత్యం : వేటూరి
గానం : బాలు, జానకి
No comments:
Post a Comment