ప్రాంజలి ప్రభ.. కొత్తపాట
మీ జుట్టు మిగల నిగ నిగల యెటుల
మీ ముక్కు ముక్కెర ధగధగలు యెటుల
మీ కళ్ళ కాటుక మిరమిరలు యెటుల
మీ చెవుల దిద్దులు కదలికలు యె టుల
మెరసి పోవుచు నుండె నబల?
మీ పెదవుల ఎరుపులు పిలుపులు యెటుల
మీ బుగ్గలుబ్బినా యెరుపులు యెటుల
మీ ముఖ బింబము మెరుపులు యెటుల
మీ పాపిడి తిలకం గంధములు యెటుల
మెరసి పోవుచు నుండె నబల?
మనసున నుందువు మాయక యెటుల
వనమున నెల రారు పలు పూలు యెటుల
దినమున వెలుగుచు తెల్లగ యెటు ల
మనసిజు ధనువందు మలువంపు యెటుల
మెరసి పోవుచు నుండె నబల?
దేహమునందున దీప్తిగ యెటుల
తుష్ణయు తొలగును తృప్తియే యెటుల
కలలో మెలకువగా కాముడు యెటు ల
పలుగాధలు గనుటే భావన యెటుల
మెరసి పోవుచు నుండె నబల?
******
ప్రాంజలి ప్రభ నేటి కొత్తపాట
హరియే గతియని నమ్మిన చాలును
సద్గతులకు కొదవేమన విధిగాను
హరియే బలమని యెరిగిన చాలును
దుర్బలిమితో యవసరమేమి విధిగాను
హరియే తోడని నమ్మిన చాలును
గండము లన్నియు గనలేవు విధిగాను
హరియే విభుడని నెరిగిన చాలును
శాంతి సౌఖ్యముల బ్రతుకు విధిగాను
హరియను రెండక్షరాలు పఠన చాలును
నిత్య సత్య పలుకే యగు విధిగాను
హరియను వ్రత కర్మలు చాలును
హరియను యజ్ఞ యాగాదులు చాలును
హరియను జపతపములు చాలును
సంసార సముద్రాన్ని యీదుట విధిగాను
హరియను బంధమే మోక్షం చాలను
అందరితో బంధ మేళ విధిగాను
పుట్టుకనుండి పోయేవరకు హరియను
జీవితంలో వున్నా లేకపోయినా హరియను
స్వతంత్రుడునని మాయ కమ్మినా హరియను
హరియను ఆత్మ సాధన చాలును
హరియను నిగ్రహా శక్తి చాలును
హరియను వెలుగు మనసున ఉంటే చాలును
హరియను నిత్యపారాయణం చాలును
సర్వంతర్యామి సర్వాన్ని చూస్తే చాలును
హరిః ఓం..
గోవిందా.. గోవిందా.. గోవిందా
*****
ప్రాంజలి ప్రభ.. కొత్తపాట హోళీ..!!
కలతలు కష్టాలు మరచి
చిందులేసే ఆనందం
కొలతలు వావివరుసలు మరిచే మహధానందం
జాతి కుల మత వివక్ష వీడి
వెల్లివిరిసే సంతోషం
చిన్నా పెద్ద రంగల వసంతాల జల్లుల మధ్య సుఖమయం
పేద గొప్ప అసమానతల వదలి
జరిపే సంబరం
సూర్య కళలతో సహకారం అందించే అంబరం
ఈర్ష్యాసూయ ద్వేషాలుమాని
పొందే ఉత్సాహం
సర్వ మానవ సౌబ్రాత్వుత్వము తో పొందే ప్రోత్సాహం
రాధామాధవ వసంతోత్సవ
సరస క్రీడా వినోదం
పౌర్ణమి వెలుగులో వేడుకైన
కామదహన కార్యం
చిన్నా పెద్దా ఆడే రంగుల
కేరింతల కోలాహలం
చెడుపై మంచి సాధించిన
విజయపు విన్యాసం
ప్రశాంతతివ్వని అష్టైశ్వర్యాలకన్నా..
సంతృప్తినిచ్చు చిన్ని నవ్వు మేలు
స్పర్ధ స్వార్ధ పగ ప్రతీకారలతో బ్రతికేకన్నా..
కలిసి పదుగురికి చేయూతనిచ్చే జీవితం మేలు.
కం. కోకిల కుహు కుహు హోళీ
గోకుల బృందా వనమున గోప్పగ హేళా!
వాకిట రంగుల హోళీ
జాతర చిన్నారుల గళ జాగృతి హోళీ
ఇదేగా వర్ణ శోభిత సందడి పండుగ హోళీ
మనకిచ్చే జన్మ సార్ధకత అపురూప సందేశ హోళీ
****
ప్రాంజలి ప్రాభ.. కొత్తపాట
నేను పుట్టాను, లోకం లో
రాధా కృష్ణలా తిరిగాను
నేను ఏడ్చాను, లోకం లో
హోళి ఆటలలో సరదాగా .
నేను నవ్వాను,
రంగులు అద్ది జలకా లాటలతో
నాకింకా లోకంతో పని ఏముందీ.....
హోళి ఆనందంతో సంతోష మైనా దీ ....
॥నేను పుట్టాను ... ॥
1వ. చరణం:
మనిషిని మనిషిని కలిపేటందుకు
పండుగ పెళ్లి చాలు
ఎవరికి దొరకక తిరిగేటందుకె
పంట పొలాలు చాలు .
ఒంటరి తుంటరి బ్రతుకు కోసమై
సుఖ ప్రేమంటే చాలు
అందరి బుర్రలు నమలడానికే
సరదా సరదా హోళి ఆటుంటే చాలు
ఇక చాలు.. ఇక చాలు .....
॥నేను పుట్టాను ... ॥
2వ చరణం:
నవ్వుల సరదాలే
అందరి గుండెలు ఆనందించాయీ ...
కోప తాపాలే
అందరి మనసులు చిరాకు పడ్డాయీ ...
పండగ సరదా ముగ్గేసిందీ
అందరి బ్రతుకులు చతికిల బడ్డాయీ ...
తెల్లవారినా అవి,
కొంచెంకూడా బాగవకున్నాయీ .
ఇక చాలు.. ఇక చాలు
॥ నేను పుట్టాను ...॥
3వ చరణం:
సరదా వసతులతోటీ,
షరతులు వున్నాయీ ...
హద్దు మీరితే అంతు తెలియనీ,
శిక్షలు పడతాయీ ...
మనసుల భాషల కుండే,
సొగసులు తగ్గాయీ ...
సంతో షా లతో,
ఎవరికి తెలియని భాషలు పుట్టాయీ .
ఇక చాలు.. ఇక చాలు
.... ॥ నేను పుట్టాను ... ॥
4వ చరణం:
మనుషుల మనసులు,
కలిపేటందుకె ప్రేమలు వున్నాయీ ...
ఏ సరదాకైనా
మంచిగ వాడే మార్గాలున్నాయీ ...
మంచిగ వాడని,
సరదా కెపుడూ దోషా లొస్తాయీ ...
కలలో
చెప్పే టందుకె నీతులు వున్నాయీ.
ఇక చాలు.. ఇక చాలు
॥ నేను పుట్టాను ... ॥
5వ చరణం (ఆఖరి చరణం):
గంటలు రోజులు ప్రేమ కౌగిట్లో కరిగాయీ ,
వాగుతు గడిపేసెయ్ ...
చిలిపి చేష్టలతో గడిపాయీ
బయటకు దుఃఖన్ని విసిరేసెయ్ ..
...
ఇక చాలు.. ఇకచాలు...
హహ్హహ్హహ్హహ్హ !!!
॥నేను పుట్టాను ...॥
******
*ప్రాంజలి ప్రభ.. కొత్త*
రచన.. మల్లాప్రగడ రామకృష్ణ
దేహమే దేవాలయమని
నిత్య ఆనంద నిలయమని
సృష్టి స్థితి లయలకు మూలమని
అదియే జీవన్ముక్తికి మార్గమని సోపానమురా.
హృదయా నందమురా..పరమాత్మ లీలరా
దేహానికి శిరమే సుందర మని
వేదాంతమునకు పలుకే మూలమని
అనవరతంబు విహరించుమని
అదియే జీవన్ముక్తికి మూలమని సోపానమురా.
హృదయా నందమురా..పరమాత్మ లీలరా
ధైర్య సంపద నిశ్చల మని
కులమే దాని మూలమని
అకులమే తురీయమని
అదియే జీవన్ము క్తి మూలమని సోపానమురా..తెలియుమురా..పరమాత్మ లీలరా
నేత్రద్వయమే నిశ్చలమని
చీకటి వెలుగుల జీవితమని
హృదయకుహరమే బ్రతుకని
పరమాత్ముని నిజవాసమని
ఉచ్వాస నిశ్వాసములే జప మంత్రమని
అదియే జీవన్ముక్తి మూలమని సోపానమురా.
హృదయా నందమురా..పరమాత్మ లీలరా
ప్రపంచమంతా పంచబాణుని వశమని
పంచేంద్రియములతొ జీవమని
జననీ జనకుల శరణు వేడెదమని
అదియే జీవన్ముక్తి మూలమని సోపానమురా.
హృదయా నందమురా....పరమాత్మ లీలరా
గోవిందా.. గోవిందా.. గోవిందా
****
ప్రాంజలి ప్రభ.. కొత్తపాట
చాలదా ఈ జన్మకీ భాగ్యము
విశ్వశాంతి ఫలాన్ని జూపే శ్రీ శ్రీ శ్రీ వేంకటేశ్వరా!!.. 2
చాలదా ఈ జన్మకీ భాగ్యము
సాహితీ క్షేత్రాన్ని జూపే శ్రీ శ్రీ శ్రీ వేంకటేశ్వరా !!...2
నీ దయాసింధు బిందువొక్కటె చాలదా
భవ జలధి తారణమునకు!!
సంసేవ్య ప్రభారాశియై జీవకోటికి చాలదా
పూర్ణతత్వము పొందేందుకు!!
నీ పాదరజమందు రేణువొక్కటె చాలదా
భవ తాప హరణమునకు!!
శరణం పరమామృతాoబునిధి అన్న చాలదా
కరుణించి కడవరకు కాసేందుకు!!
సత్యం,న్యాయం,ధర్మం కోసంసాధన చాలదా
ధైర్యం తొ గుణం యోగ్యం బ్రతుకుకు!!
నీ నామసుధారస మొక్కటి చాలదా
భవ రోగ నివారణమునకు!!
నీశక్తి, యుక్తి, మాకు అందిస్తే చాలదా
సర్వ రోగ నివారణకు!"
నీ కథా శ్రవణ మాధుర్యమొక్కటె చాలదా
భవ బంధ మోచనమునకు!!
నీ దివ్య రూపమ్ము వొక క్షణము నిలుపుటె చాలదా
మోహంబు నశియించి మోక్షమ్ము పొందుకు!!
చాలదా ఈ జన్మకీ భాగ్యము
విశ్వశాంతి ఫలాన్ని జూపే శ్రీ శ్రీ శ్రీ వేంకటేశ్వరా !!
చాలదా ఈ జన్మకీ భాగ్యము
సాహితీ క్షేత్రాన్ని జూపే శ్రీ శ్రీ శ్రీ వేంకటేశ్వరా !!...
****
ప్రాంజలి ప్రభ.. కొత్త పాట
నీవెవరు, నేనెవరు, అంతా ఆడించేది ఆ బ్రహ్మా....
మూడునాల్ల ముచ్చటైన జోరు
కంపు లో పుట్టి, కంపునే భరించి, కట్టే కాలేంతవరకే
తెలుసుకో మానవా నీ జోరు
ఏది స్థిరము, యేది ఆస్థిరము తెలుసు కోలేని మానవ సఖ్యత జోరు
తప్పించుట నుదుటి రాత జోరు
వ్రాసిన విధాతకైనా తరము కాదు
తెలుసుకో మానవా నీ జోరు
ఉవ్వెత్తున ఎగిసిపడే అలల హోరు
అవి సంద్రములో యున్నంత వరకే
ఉబలాటంతో మిడిసి పడే మనిషి జోరు
సంసారంలో యవ్వనంతో యున్నంత వరకే
గర్వంతో పలికేటి మనిషి జోరు
బ్రతుకులో సంపద నున్నంత వరకే
దాంపత్యంలో ఉండేటి మహా జోరు
స్వార్ధం అపనమ్మకం రానంత వరకే
చదువుల వళ్ళ జన్మ సార్ధకం జోరు
దేశ, కటుంబశ్రేయస్సు నున్నంత వరకే
మనసుతో మమేకమై పంచుకొనే జోరు
తనువుకు అలుపును మరిపించే వరకే
జీవిత కాలాన్ని మరింత పెంపు జోరు
సంతృప్తి ప్రశాంతతున్న జగత్తు యున్నంత వరకే
మనం మనం సృష్టించుకొనే జోరు
నాది, కష్టర్జీతం యన్నంత మరిచే వరకే
నా బిడ్డలలో నా ప్రేమ అనే జోరు
పెళ్లితో సుఖం పొంద నంత వరకే
తత్వ మెరిగిన మహా జ్ఞానం జోరు
నేలపై ప్రాణo యున్నంత వరకే
నీవెవరు, నేనెవరు, అంతా ఆడించేది ఆ బ్రహ్మా
మూడునాల్ల ముచ్చటైన జోరు
కంపు లో పుట్టి, కంపునే భరించి, కట్టే కాలేంతవరకే
తెలుసుకో మానవా నీ జోరు
తెలుసుకో మానవా, తెలుసుకో మానవా,
తెలుసుకో మానవా,
గోవిందా.. గోవిందా.. గోవిందా
******
ప్రాంజలి ప్రభ.. కొత్త పాట
చెప్పుకో లేని విపరీత వాంఛలు
ఒప్పుకో లేని జీవితాన గాయాలు
తప్పుకో లేని మానసిక వేదనలు
విప్పుకో లేని మమతాను రాగాలు
కనులలో నీ అందమైన కలలు
కనులలో నీ కన్నీటి అలలు
తనువులో నీ స్పర్శ కదలికలు
తనువులో నీ తియ్యటి గుర్తులు
మనసంతా నీ ఆలోచనలు
సొగసంతా నీ స్పందనలు
నాతో నీ జ్ఞాపకాల పూమాలలు
నా హృదయం పై నీకోర చూపులు
ఎందుకీ ప్రాయం నీది కానపుడు కళలు
ఎందుకీ జీవితం నువ్వు లేనప్పుడు కథలు
ఎందుకీ ప్రాణం నీవు రానప్పుడు వెతలు
ఎందుకీ విధిగా స్నేహ దేహ తాపాలు
నీవే నా తుది మలుపులు
నీవే నా గమనం తలపులు
నీవే నా ఆరోప్రాణం అరుపులు
నీవే నా సర్వo మరువ లేని వలపులు
******
ప్రాంజలి ప్రభ.. కొత్త పాట.. చిరునవ్వు
చిరు చిరునవ్వుల చిట్టీ
చిందులు వేసే మా ముద్దుల పట్టీ
మా కలల గారాబాల కుట్టీ
మా మనసులను దోచావు కాబట్టీ
దోచావు కాబట్టీ
దోచావు కాబట్టీ
నీటిలో కలవ వై వెలిశావు నువ్వు
నింగిలో వెన్నెలై జాబిల్లి నవ్వు
కనుపాపలో కాంతిలా మెరియు ను వ్వు
మురిపాలు బట్టి ముద్దులొలకే నవ్వు.....చి
మా పాపే మాకు ఇంటి దేవతా
మా ఇంట తీరు సిరులు లేని కొరతా
మా అందరి మనసున తొలగు చింతా
పాప స్పర్శతో కలుగును మాకు పులకింతా.... చి
మా మనో వికాసకాలు నీ ముద్దు పలుకులు
మా కనువిందు ఆనందాలు నీ ఆట పాటలు
మా ఆట విడుపులు నీ చిలిపి చేష్టలు
మా హృదయ స్పందనలు నీ బిత్తర చూపులు
చిరు చిరునవ్వుల చిట్టీ
చిందులు వేసే మా ముద్దుల పట్టీ
మా కలల గారాబాల కుట్టీ
మా మనసులను దోచావు కాబట్టీ
దోచావు కాబట్టీ
దోచావు కాబట్టీ
****
ప్రాంజలి ప్రభ.. కొత్త పాట..
అన్నీ అమరినా.... నా.. ....
ఇంకేదో కొదవను దిగులూ.... దిగులూ... లూ...
మదిలో మెదిలే ఆలోచనా సందడీ.....
అర్ధంకానీ అర్ధం చుట్టూ తిరిగే సవ్వడీ....... అ
ఆనందమనేది ఆరోగ్య మనీ
ఆలోచననేది అనారోగ్యమనీ
ప్రేమ పటుత్వానికి మూలమనీ
అతి సంపాదన అనర్ధ మనీ.. అ
ఇతరుల కన్నా మేలనుకుంటే సంతృప్తి అనీ
ఇతరులను చూసి చింతిస్తూ ఉంటే అసంతృప్తి యనీ
అందరూ తనవారను కుంటే సంతృప్తి యనీ
ఓర్వలేని గుణము వుంటే అసంతృప్తి యనీ... అ
ప్రకృతి ప్రభవమునకు సుఖము యేదీ
ప్రగతి ప్రతిభకు గుర్తింపు విలువ యేదీ
ఈర్ష్యా అసూయ లేని తనమేదీ
స్వార్ధ బుద్ధి లేని గుణ మేదీ
అంతరాత్మకు స్వేచ్ఛ యేదీ
మనుగడకు ప్రశ్న లేని జీవిత మేదీ
అన్నీ అమరినా.... నా.. ....
ఇంకేదో కొదవను దిగులూ.... దిగులూ... లూ...
మదిలో మెదిలే ఆలోచనా సందడీ.....
అర్ధంకాని అర్ధం చుట్టు తిరిగే సవ్వడీ.....అ
*****
ప్రాంజలి ప్రభ కొత్త పాట.. వృద్దురాలి ఆవేదన
ఏమని చెప్పేది, ఎలా చెప్పేది, అనుభవాల ఆశయాల తీరు
ఆశ్రిత పుత్రుల ఆలణ పాలణ అష్ట కష్టాల సుఖాల తీరు... 2
వెతల వేదనలు నాదరి చేరెను ఇపు డే
కలతలు కష్టాలు కడు దూరమవ కే
తోడుగా దారిద్రం నన్ను వెంటా డే
సంక్షోభ సమస్యలు నేనే మూలమనే... యే
ఆనంద వినోదాలకు నేనే అడ్డనే వారు
మింగ లేక కక్కలేక చావు రాదనే వారు
పరమాత్ముని భక్తితో కొలవ మనే వారు
కుటుంబాల గోల నీ కెందుకనే వారు... యే
అందుకే ఎందరున్న భర్త మిన్న నే వారు
ఎందరున్న భార్య తోడు మిన్ననే వారు
కన్న బిడ్డలు కన్నా దైవం మిన్ననే వారు
వయసు మీద బడ్డాక గుర్తింపు లేదనే వారు.... యే
సంపదలున్నా సుఖ సంతోషాలు కరువే
సంపద లేకున్నా సంతోష రాగాలు కరువే
మూడు కాళ్ళ మనుషులున్నా కరువే
మనుషుల విలువలు తెలియని చోట అంతా కరువే
ఏమని చెప్పేది, ఎలా చెప్పేది, అనుభవాల ఆశయాల తీరు
ఆశ్రిత పుత్రుల ఆలణ పాలణ అష్ట కష్టాల సుఖాల తీరు... 2
*****
ప్రాంజలి ప్రభ కొత్త పాట
*శ్రీరంగ నీ రూప మేమిధృతీ*
శ్రీరంగ నీ రూప శ్రీ రమ్య మేమి ధృతీ
వోరంగ మారంగ నీ రూప మెంత ధృతీ
ధీ రంగ యో రంగ మీ రంగ మెంత శృ తీ
యేమిధృతీ యేమి ధృతీ యెంత శృతీ
మెండైన శంఖచక్రాదులతోడ
నిండైన తోడుగ నీడల తోడ
చెండైన మొక్కులు తీరున తోడ
నీ దివ్యరూపమ్ము యేమి ధృతీ
రంగ రంగ వైభోగముల కన్న
రంగ రంగ నైవేద్యముల కన్న
రంగ రంగ తాంబూలముల కన్న మిన్నైన
రంగేళి నీ లావణ్య రూపమ్ము యేమి ధృతీ
విందు వినోదాల కన్న కను విందైన
పొందు ప్రభోదాల కన్న సమ చిందైన
యందు సమోహాల కన్న కళ మందైన
కమనీయ రూపమ్ము ఏమి ధృతీ
గోకులము కావంగ గోవర్ధనంబెత్తి అమరేంద్రుగర్వంబు
ఖర్వంబు చేసిన లీల లేమి ధృతీ
రాధారమణీతోడ కూడి రాసకేళిలో రాజిల్లు
రసమయ రూపమ్ము ఏమి ధృతీ
పుండరీకునికై వేచివేచి శిలయై నిలిచిన
అసలుసిసలైన రూపమ్ము యేమి ధృతీ
రంగనాయకితోడ కావేరితీరాన రంజుగా వెలసిన
రమణీయరూపమ్ము ఏమి ధృతీ
జననమరణ చక్ర భేదంబు గావించిన
జగన్మోహన రూపంబు యేమి ధృతీ
ఉదరమ్ములోనున్న జగముల రాతలు
రాయంగ నాభి కమలమ్ములోన
విధాతను దాల్చిన రూప మేమి ధృతీ
తిరముగా నీ దాసదాసుండు శ్రీనివాసుండు
నిరతితో కొలిచేటి నీ దివ్యరూపమ్ము ఏమి ధృతీ
కాలమే మారినా కావ్యమై వ్రాసిన
కళలు జూపిన కమనీయ రూపమేమి దృతీ
గోవిందా.. గోవిందా.. గోవిందా
రచన: మల్లాప్రగడ రామకృష్ణ
*****
ప్రాంజలి ప్రభ..కొత్త పాట ** వైరాగ్య ఫలము **
ఏది నీది? ఏది నాది?
ఏది సొంతము? యనేది తెలిపేదె వరు? తెలిపేదెవరు?
నా వారెవరు? నీ వారెవరు?
చివరికెవరు? ఎవరింకను మిగిలేదెవరు? మిగిలే దెవరు?
ఎవరి ధనము? ఎవరు బలము?
ఏది స్థిరము? ఎంత యున్నా స్వార్ధ మా?
ఏది సుఖము? ఏది దుఃఖము?
ఏది నిజము? తెలిసినా తెలియకే తెలపలేని తనమా?
ఎవరి బంధము?ఎవరు అందము?
ఎవరు శాశ్వతము? ఏమి లింగభేదము వల్ల సౌఖ్యమా?
ఏది ఆనందము? ఏది విషాదము?
ఏది నిత్యము? ఏ పలుకుల సొంతమా?
ఏది మిథ్యా? ఏది మాయ?
ఏది సత్యము? యేది చెప్పలేని మౌనమా
ఏది వైరాగ్యము? ఏది విరాగత్వము? యేది సమ్మోహము, యేది క్షంతవ్యమా?
అదే.. వాస్తవ యోగము
అదే.. సుజ్ఞానము
అదే భగవదన్వేషణా మార్గము.!!
ఏది యన్న ప్రశ్న లే యగుట దైవ చింతనా, భ్రమల చిత్తమా, జీవితాసయ మార్గము!!
****
ద్విపద.. బేల
అలికిడి చేయకు అలజడి యేల
పలుకుల మాయలు వలదులే బేల
కులుకుల కలువవు కలకళ మేళ
థలుకులు తపనలు జాలును బేల
వలపులు వరదలా పొంగులు యేల
మలుపులు తెలుపుట నీకేల బేల
తలపులు సలపరింతలకాల మేళ
వలిగాలి వయసుకు రాపిడి బేల
చెలువుల కౌగిలి కోరుట యేల
తలుపులు తెరచియు పిలుపులూ బేల
కలలను కల్లోల మనుటయు యేల
అలికిడి అలకలు వలదులే బేల
తొలిజామునందెజనులనుమేల్కొలుప
లలితమై ప్రకృతి వఱ లెనని బేల
కొలకొల కొక్కొరొకో యని యార్చె
చెలసి కుక్కుటములు గళముల బేల
అలికిడివినిలేచి అతివలు కుదిలి
చెలువుల కౌగిళ్లు సలివడి బేల
వలిగొని కిదుకు డింభకుల నేమార్చి
కెలవున పాలిచ్చి , తలివము చేర్చి
వలదుగ ముంగిళ్లపై రంగవల్లి
కలను తీర్చిరి కలావుల జడిబేల
****
నేటి చందస్సు.. య. య. య. య.
నమో భూతనాధా నమో దేవ దేవా
నమో సుందరేశా నమో ముక్తి దేవా
నమో విశ్వ నాధా నమో శక్తి దేవా
నమో రుద్ర రూపా నమోస్ఫూర్తి దేవా
శిలా రూప లింగా శివా భస్మ ధారీ
విలోలమ్ము నీవే వినోదమ్ము ధారీ
కలా వంత శీర్షా గవేషమ్ము ధారీ
చలద్వహ్ని నేత్రా త్రినేత్రమ్ము ధారీ
మధోన్మాద నాశా మహాదేవదేవా
ప్రధానమ్ము యీశా ప్రభో దేవదేవా
చిదానంద మూర్తీ శివాన్మాయ దేవా
సుధాతత్వ మూర్తీ సుఖమ్మిచ్చు దేవా
స్వరంశక్తి విశ్వాపరం భాగ్య దేవా
వరాలిచ్చె దేవా సహాయమ్ము దేవా
ధరా తత్వ దేవా దయానంద దేవా
పరంధామ దీక్షాపరం జ్యోతిదేవా
నమో భూతనాధా నమో దేవ దేవా
నమో సుందరేశా నమో ముక్తి దేవా
నమో విశ్వ నాధా నమో శక్తి దేవా
నమో రుద్ర రూపా నమోస్ఫూర్తి దేవా
****
