*******
చిరుహాసము నీవుగా
తరుణాన తపంబుగా
కరుణయే శుభంబుగా
కలకాలముండనేను
చెలిమిగా సాగనేను
బలిమిగా సేవ నేను
విరజాజి తీగ నేను
వరమల్లె వెంట గాను
చరణంబు దరి నేను
సాయంబు సేయ సర్వదా
ధ్యేయంబు గాను నుండెదా
ప్రాయంబు ఎంత వేడెదా
ప్రేమామృతం పొందనాను
క్షేమామృతం కోరినాను
సోమామృతం పంచినాను
నీ చూపు వెన్నెలై జూడు
నీ చూరు పట్టాను జూడు
నీ చురుకు నన్ను జూడు
గాయత్రీ చందస్సుగా మీ విధేయుడు
మల్లాప్రగడ
*******
మనసు వయసు నిన్నె మత్తుగా నిన్ను చేరే
తణువు తపన నిన్నే తన్మాయ చేయ కోరే
వినగ వలచి రమ్ము గీతంబు నేను పాడే
వినతి గమన మొంది విద్యల్లె నేను నీడే
మనసు ధరణి నమ్మే మార్గంబు గాను చేరే
గుణము దయను నమ్మే గొప్యంబు గాను చేరే
మనము మనము సేవే మానంబు గాను మేలే
ఋణము రణము సేవే రుద్రంబు తీరు మేలే
ఏ మామది గాంచితీ ఏ రూపము నెంచితీ
ఏ ప్రేమను చూపితీ ఏ రూకలు కోరితీ
ఏ తామస భామినీ ఏ రుద్రంబు నెంచి తీ
ఏ నామము పల్కితీ ఏ రొద్రంబు గాంచి తీ
*****
💐 ప్రేమంటే ఆరామం
ప్రేమగీతం
పల్లవి:
ప్రేమంటే ఇష్టపడటమే కాదు
కష్టపెట్టక నిలిచే అనుబంధం
ప్రేమంటే మాటల మాధుర్యమే కాదు
హృదయాలు కలిపే మధురానందం
ప్రేమంటే ప్రేమను చెప్పుటే కాదు
మనసు విప్పి మమతను పంచటం
ప్రేమంటే కామపు కోరికే కాదు
జీవితమంతా ఆరామం చేయటం
చరణం – 1
దుఃఖమివ్వక సంతోషమివ్వాలి
అనునయంతో అభినందించాలి
విషమమైన వేళలో సమమై నిలవాలి
వేదనలోనూ వెన్నంటి ఉండాలి
సరిగమల గాంధర్వ గానమే కాదు
సరాగాల సంగమ రాగమది
వర్ణరంజిత స్వప్నమే కాదు
అపరంజి ప్రేమకు రూపమది
చరణం – 2
రాకా చంద్రుని వెన్నెలే కాదు
ఏకైక రజనీగంధ పరిమళం
పద్మంలోని మకరందమే కాదు
ప్రేమలోని మధురానుభవం
పురస్కారమాశించని ప్రేమ
ప్రతిఫలాన్ని కోరని హృదయం
సంస్కారంతో సుగంధమై నిలిచి
సహజీవనానికి సౌభాగ్యం
చరణం – 3
ప్రేమ అనుభవైక వేద్యమమ్మా
ఆస్వాదకులకు అమృతధార
హృదయం విప్పిన అనురాగమమ్మా
అనుబంధాలకు ఆనందధార
ఇష్టంలోనూ కష్టం కలిగించని
ఇంపైన ఆత్మీయత ప్రేమ
జన్మజన్మలకు జ్ఞాపకమయ్యే
జీవన మాధుర్యమే ప్రేమ!
ముగింపు:
ప్రేమంటే పొందటం మాత్రమే కాదు
పరులకు ఆనందం పంచటం
ప్రేమంటే ఒకరి కోసం మరొకరు
ప్రేమతో జీవితం వెలిగించటం!
******
ఎంత పని చేసే దొర కొడుకు
అతని జ్యాసే కడుపులో ఉడుకు
శాంత మని నను చేరగా నాకు ఒనుకు
చెప్పలేని తనము అది ఏమి కిటుకు
తప్పు కాదని నిజంబును చెప్ప పలుకు
ఒప్పు తప్పులు చూడలేదని మాత్రం అనకు
చలి తెచ్చేను ఇక కౌగలింతలే మనకు
వానలా వచ్చానని మాత్రం నీవు అనకు
ఎండలా ఏడిపించానని భయంతో యనకు
మనమధ్య మoకుపట్టుకాదు వలపుల కులుకు
ఎంత పని చేసే దొర కొడుకు
అతని జ్యాసే కడుపులో ఉడుకు
థలుకు లన్నియు క్షణము థాక గరుకు
తపన విలువలన్ని బ్రతుకు థాటి సరుకు
థవల లీలలు చూపకు థాటి యనకు
తరము తరముగా సాగెడి తప్పు థలుకు
కలువ పువ్వెకదా యని సంబరపడి నలపకు
చెలిమి చేయుచున్నాదని చపల మెందుకు
చలవ చేయ మనసు దాహమే ననకు
పలుకులో మర్మము గాంచక పలుకకు
ఎంత పని చేసే దొర కొడుకు
అతని జ్యాసే కడుపులో ఉడుకు
ఎంత పని చేసే దొర కొడుకు
అతని జ్యాసే కడుపులో ఉడుకు
*******
పల్లవి
మూలమేదైనా ముఖ్యం మనశ్శాంతి
తృప్తి నిండితే అదే మనకు కాంతి
మనసు మారితే మారును జీవనరీతి
శాంతి నిలిచితే సుఖమే మన ఆస్తి!
చరణం – 1
ఆలోచన తప్పితే ఆచరణ తప్పు
ఆచరణ తప్పితే ఆవేదన తప్పదు
ఆవేదన పెరిగితే అశాంతి చేరును
అశాంతి మనిషిని అలమటింపజేయును!
చరణం – 2
కోరిక పెరిగితే తృష్ణయే పెరుగును
మక్కువ పెరిగితే మోహమే కలుగును
మోహమున అహమే మొలకెత్తి పెరుగును
అహముతో అధికార మాశించి పోవును!
చరణం – 3
అధికార మంటున స్వార్థము చేరును
స్వార్థము చివరకు అనర్థము తేవును
అవివేకముతో అవకతవకలాయె
అనిశ్చితి భయమై మనసును కుదిపె!
చరణం – 4
భయముతో సందేహ భావములు పెరుగును
సంతులనం తప్పితే సంతృప్తి కరువగును
అసంతృప్తి ద్వేషపు అగ్నిని రగిలించు
అసూయ మనశ్శాంతి ఆనవాలు చెరిపించు!
చరణం – 5
అసమర్థత వెనుక బద్ధకము నిలుచును
బద్ధకము వెనుక వాయిదా పెరుగును
వేయి మూలాలున్న తప్పులు చేయించు
తప్పుల పరంపర తిప్పలు తెచ్చును!
చరణం – 6
మోహమును వీడి వివేకము పొందాలి
స్వార్థమును విడిచి సమభావముండాలి
కోరికల హద్దును గుర్తించి నడవాలి
తృప్తితో జీవిత గమ్యాన్ని చేరాలి!
ముగింపు పల్లవి
మూలమేదైనా ముఖ్యం మనశ్శాంతి
తృప్తి నిండితే అదే మనకు కాంతి
తప్పుల మూలాలను తెలుసుకొని మార్చి
శాంతితో జీవిద్దాం సంతోషమందీ!
*****
చూడూ కుసుమమ కళగా కలకాలం
నేడూ కవనము కథగా కలకాలం
నాడూ మనసున జపమై యిది నీకే
నేడూ భయమున జడమై యిది నీకే
వాడూ వయసున వలగా కలకాలం
వీడూ వలపున విలువా కలకాలం
నిండైనది దయ గుణమై యిది నీకే
మెండైనది కృప ఫలమై మది నీకే
డూడూ యనుచును ననుగా దరి చేరే
డూడూ పలుకుల పసగా మరి చేరే
చూడూ నిడిన ఫలమదే వరుసాయే
చూడూ నిడని ఫలమదే కరువాయే
ఆడూ మదిగను వరమై స్థితి గానే
ఆడూ విధిగను గుణమై గతి గానే
చూడూ కుసుమమ కళగా కలకాలం
నేడూ కవనము కథగా కలకాలం
******
పల్లవి:
ఒక్కసారి నిన్ను చూసినా
రెప్పవేయుట సాధ్యపడునా! నేనంట ఓ దేవి
మనసులోన నిన్ను దాచినా
మరచిపోవుట సాధ్యపడునా! నేనంట ఓ దేవి
అనుపల్లవి:
ఈ వీణ మీటేది నీవేనంట
ఈ మౌనమంతా నీ ఆటంట
ఈ మేను నీ మాటే నేనంట
ఈ మౌనమెలాగో ఈ పూటంట
ఈ నాదమంతా నీ నిధి మోతంట! ఓ దేవి
చరణం – 1
మనసు నుండి వెడలిపోయినా
మరచిపోలేదంట ఓ దేవి
కనుల ముందర నీవు లేకున్నా
కలలలో నిన్ను చూడ లేదంట ఓ దేవి
మంత్రమేమీ నేర్వకుండానే
మధుర భావమే పొంగ గలదంట.. ఓ దేవి
కాళిదాసు కమ్మని కావ్యంలో
నీ రూపు దాగక సాధ్యపడునా! అని ఆశంట ఓ దేవి
చరణం – 2
నీవు రాసే కవనమందున
ఒదిగిపోవుట సాధ్యపడ లేదంట
నీ కలములోని అక్షరమై
నీ హృదయములో నిలువ లేదంట
నీ ఊహలన్నీ ఊయలలూగ
నా ఆశలన్నీ రాగాలవగా
నీ పదములలో నా పదములుగా
కలిసిపోవుట సాధ్య మే దంట ఓ దేవి
చరణం – 3
మూగబోయిన మనసుకేమో
మౌనభాషలు స్వరములవగా
మాటలకందని మధురిమలన్నీ
మనసుల వీణను మీటగలవంట ఓ దేవి
నీవే గీతమై నేనే రాగమై
నీవే భావమై నేనే కవనమై
మౌనమే మన ప్రేమగీతమై
మమతల లోకాన మునిగిపోవుట సాధ్యపడునంట ఓ దేవి
ముగింపు పల్లవి:
ఒక్కసారి నిన్ను చూసినా
రెప్పవేయుట సాధ్యపడునా యంట ఓ దేవి
మనసులో నిన్ను నిలుపుకున్నాక
మరచిపోవుట సాధ్యపడునా యంట ఓ దేవి
నీ ప్రేమలో నేనైపోయాక
విడిపోవుట సాధ్యపడునా!నే నంట.. ఓ ఓ దేవీ....
*****
పల్లవి
ఆహా అల్లము పెసరట్టు…
ఆంధ్రుల ముద్దు పెసరట్టు
తిన్న కొద్దీ తనివి తీరని…
రుచుల రాజు పెసరట్టు
ఆహా అల్లము పెసరట్టు…
ఆహా అల్లము పెసరట్టు!
చరణం – 1
పచ్చని పెసలు నానబెట్టి
చక్కని పిండిగా రుబ్బి పెట్టి
అల్లము తోడు కలిపి నెమ్మది
అద్భుత రుచికి పునాది వేసి
ఉల్లిపాయ మిరప తరిగి
జీలకర్రను జతగా చేర్చి
పెనముపైన గుండ్రంగా పోసి
పెసరట్టు పరిమళం పూయి
పల్లవి
ఆహా అల్లము పెసరట్టు… ఆంధ్రుల ముద్దు పెసరట్టు
తిన్న కొద్దీ తనివి తీరని… రుచుల రాజు పెసరట్టు!
చరణం – 2
దినుసులన్నీ పైపై చల్లి
వెన్నపూసను చుట్టూ వేసి
నెమ్మదిగా అది వేగుచుండగా
ఊరంతా వాసన వ్యాపించగా
కొబ్బరి అల్లం పచ్చళ్లతో
కలసి రుచి మరింత పెరిగె
పళ్లెములో అందంగా చేరి
పిలిచె అందరినీ భోజనానికి
పల్లవి
ఆహా అల్లము పెసరట్టు… ఆంధ్రుల ముద్దు పెసరట్టు
తిన్న కొద్దీ తనివి తీరని… రుచుల రాజు పెసరట్టు!
చరణం – 3
జీడిపప్పు ఉప్మా తోడైతే
జిహ్వకు పండుగే మరి అయితే
లోన చుట్టి వడ్డించినప్పుడు
లోకమంతా మెచ్చే రుచియది
తెలుగోడు చెయ్యెత్తి పలుకును
"జై" అంటూ గర్వముగా నిలుచును
అలరారే ఆ పెసరట్టు
వేనోళ్ళ కీర్తి పొందునట్టు
ముగింపు
పసందుగా ఆరగించండి
పెసరట్టు రుచిని ఆస్వాదించండి
ఆంధ్ర భోజన వైభవమిది
అందరికీ నోరూరునట్టు!
1-10-26
వృద్ధుల దినోత్సవ సందర్భంగా పార్కులో వృద్ధులను కలిసిన విద్యార్థులు వారిని గౌరవిస్తూ, ప్రేమతో పాడే పాటగా
అనురాగాల ఆభరణం....అనుభవాల నిలయం
పల్లవి:
అనురాగాల ఆభరణం మీరే పెద్దలారా
అనుభవాల నిలయం మీరే మా ఆదర్శమా
పార్కులో మీతో కలసి పాడుతున్నామయ్యా
మీ దీవెనలే మాకు వెలుగుల బాటయ్యా
చరణం – 1
తాతయ్య నవ్వుల్లో దాగుంది తోడూ నీడ
అమ్మమ్మ కబురుల్లో దొరుకును తీపి బాట
మీ మధుర పలుకుల్లో పొంగుతుంది ఆప్యాయత
మీ సాన్నిధ్యమే మాకు నిండైన ఆనందం
చరణం – 2
కాలం నేర్పిన పాఠాల నిఘంటువు మీరయ్యా
సహనానికి శ్రమకు ప్రతిరూపం మీరయ్యా
మా నడక దారుల్లో దివ్వెలై వెలిగేరు
తలవంచి దండమిడే పూజనీయులయ్యారు
చరణం – 3
ఒడిలో కూర్చోబెట్టి నీతి కథలు చెప్పేరు
అడుగడుగునా మాకు దీవెనలు అందించేరు
కష్టాల సుడిగుండంలో కొండంత ధైర్యమై
మా భవిష్యత్తు పునాదికి శిల్పులై నిలిచేరు
చరణం – 4
మీ అనుభవాల బాటలో నడుస్తాము మేమంతా
మీ మాటల వెలుగుల్లో నేర్చుకుంటాము నిత్యమా
కనుపాపలా కాపాడే జ్ఞానవృద్ధులారా
మీ చిరునవ్వులోనే చూస్తాము మా స్వర్గమా
ముగింపు – అందరూ:
పెద్దలారా... పెద్దలారా... మా ప్రేమను స్వీకరించండి
మీ దీవెనల నీడలో మా జీవితాలు సాగనీ
అనురాగాల ఆభరణం మీరే పెద్దలారా
అనుభవాల నిలయం మీరే మా ఆదర్శమా!
మీ విధేయుడు.. మల్లాప్రగడ రామకృష్ణ, ప్రాంజలి ప్రభ
2-10- 26 గాంధీ జయంతిగా..పాట
పల్లవి
గాంధీ తాత జన్మదినం గానమై పలుకుదాం
సత్యమార్గ దీపమై సాగినవాడి జ్ఞాపకం చేసుకుందాం
అహింసామృత సందేశం అందరికీ పంచుదాం
మహాత్ముని మహిమలను మనసారా స్మరించుదాం॥
చరణం – 1
నల్లని వాడు చల్లని చూపు కరుణ నిండిన హృదయం
అంగవస్త్రమే ఆభరణమై వెలిగిన అతని సౌమ్యం
చిరునవ్వుతో చీకటిలోన వెలుగులు నింపిన వాడే
భారత మాత ఒడిలో పుట్టిన మహనీయుడే॥
చరణం – 2
సోడాబుడ్డి అద్దములతో సాధువు రూపముగానూ
సాధారణ జీవనంతో సత్యానికి రూపముగానూ
కర్ర చేత పట్టి నడిచెను ప్రజలతో పాటు
కష్టాలలో తోడై నిలిచెను ప్రేమగల తాత॥
చరణం – 3
ఖడ్గముతో కాదు గాని శాంతిమంత్ర బలముతో
అణుబాంబుకన్న గొప్పదైన అహింసా మార్గముతో
సత్యాగ్రహ జ్యోతిని వెలిగించి జాతిని ఏకం చేసి
స్వాతంత్ర్య సూర్యోదయాన్ని తెచ్చిన మహాత్ముడే॥
చరణం – 4
జన్మదినోత్సవ వేళన మనమందరం పలుకుదాం
సత్యము ధర్మము సేవలనే జీవనమున నడుపుదాం
గాంధీ తాత చూపిన బాట భావితరానికి అందిద్దాం
భారత గౌరవ గాథను భక్తితో నిలుపుదాం॥
ముగింపు
గాంధీ తాతా నీ సందేశం గుండెలో నిలిచెదం
ప్రేమ అహింసా మార్గముతో ప్రపంచాన్ని గెలిచెదం॥
మీ మల్లాప్రగడ రామకృష్ణ
*****
3/10/ ప్రేమ గీతం
పల్లవి
నమ్మకం గాంచని మనసుతో
ఆశా పాశాల ఆలనతో
నిజమునే నీడను మరచితివా?
నను వీడి వెళుతున్నావా?
నిన్ను నేను నాపలేను అయినా
నిన్ను వీడి నే నుండలేను
నీ దారికి అడ్డురాను గాని
నిన్ను ప్రేమిస్తూ నుంటాను॥
చరణం – 1
కర్పూరంలా వెలుగునిచ్చి
సువాసన నందించి కరిగిపోతివా?
కాల వైపరీత్యం గానలేవా?
చదువుకున్న దానివి మరచిపోతివా?
మిన్ను విరిగి పైబడినా
కాళ్ల క్రింద మన్ను కదిలినా
కన్న ప్రేమను వద్దన్నా
మనసు నిన్నే తలచునా॥
పల్లవి
నిన్ను నేను నాపలేను అయినా
నిన్ను వీడి నే నుండలేను
నీ దారికి అడ్డురాను గాని
నిన్ను ప్రేమిస్తూ నుంటాను॥
చరణం – 2
సూర్య చంద్రులు గతులు తప్పినా
ప్రకృతి ప్రళయ గర్జన చేసినా
పాశ బంధాలు విమర్శించినా
నిన్ను నేను మరువలేను.
మరచి నేను జీవించలేను
నీ పయనానికి తోడుగా
నా ఆఖరి పయనం వరకూ
నిశ్శబ్ద నీడనై సాగెదా॥
చరణం – 3
కొడి గట్టిన దీపమై నేనున్నా
ఏ గాలికి ఎప్పుడు ఆరునో?
చివరి శ్వాస మిగిలే వరకూ
నీ జ్ఞాపకమే నా జీవనమో.
నీవు సంతోషంగా ఉండాలని
నిత్యం కోరే హృదయమిది
దూరమైనా ప్రేమ మారదు
నీ పేరే నా ప్రాణనిధి॥
ముగింపు
నమ్మకం గాంచని మనసుతో
ఆశా పాశాల ఆలనతో
నిజమునే నీడను మరచితివా?
నను వీడి వెళుతున్నావా?
నిన్ను ప్రేమిస్తూ నుంటాను...
నిన్ను ప్రేమిస్తూ నుంటాను...
****
04/10..ఆనాటి ప్రేమాభిషేకం గుర్తుకొచ్చింది
వెంటనే నాకలం యీ విధంగా సాగింది మీరే చదవండి
ప్రాంజలి ప్రభ పాట
పల్లవి
ఆగదు ఏ నిమిషము నీ కోసమూ,
ఆగితే ఏ నిమిషము ఆగదు ఈ లోకమూ.
తెలిసినా తెలియకపోయినా కాలగమనమూ,
తరలిపోతూనే ఉంటుంది ఈ జీవన రాగమూ.
చరణం – 1
కోపము ఏ నిమిషము నీకు ఉండదూ,
ఉండినా ఏ నిమిషము నిలువదూ.
తెలిసినా ఏ నిమిషము ఆగదు ఈ కాలమూ,
నడిపించు మార్గమది నిత్య సత్యమూ.
చరణం – 2
పాపము ఏ నిమిషము నీకు అంటదూ,
అంటినా ఏ నిమిషము దాచలేవదూ.
ఆపదలో మౌనమై నిలిచే వేళలో,
ఆత్మసాక్షి పలుకుతుంది అంతరంగములో.
చరణం – 3
శాపము ఏ నిమిషము నీకు తెలవదూ,
తెలిసిన ఏ నిమిషము నిన్ను మరువదూ.
చేసిన కర్మల ఫలము వెంట నడచునూ,
చైతన్య దీపమై సత్యము వెలుగునూ.
చరణం – 4
విషయములెల్ల జనులకు విషములగునూ,
విషయములు తెలిసిన విజయమాగునూ.
బంధపాశములెల్ల పలుకులై నిలుచునూ,
భక్తి మార్గమందు బంధములు వీడునూ.
ముగింపు
బ్రతుకులలో పరమాత్మను గాంచ గలుగు విధి,
భవసాగర దాటించు దివ్యమైన నిధి.
ఆగదు కాలచక్రము, ఆగదు జీవగతి,
ఆత్మజ్యోతి గాంచుటే మానవుని సుగతి.
*****
నేటి నిగ్రహం పాట
మౌన ధ్యానంలో నిగ్రహం
తత్వ భాష్యంలో నిగ్రహం
ధ్యాన విశ్వాసంలో నిగ్రహం
శాంతి హృదయంలో నిగ్రహం
నిగ్రహంలోనే అంతా శూన్యం...
కోరికల కట్టెలను కోసే శక్తి నిగ్రహం,
కోపపు జ్వాలలను చల్లార్చే యుక్తి నిగ్రహం,
మోహపు మబ్బులను తొలగించే దీప్తి నిగ్రహం,
మనసును గెలిపించే మహిమ నిగ్రహం,
నిగ్రహంలోనే అంతా శూన్యం...
మాటల పొదుపులో మాధుర్యం నిగ్రహం,
చూపుల సౌమ్యంలో చైతన్యం నిగ్రహం,
నడతలో నీతి నిలిపే ధర్మం నిగ్రహం,
జీవిత సాఫల్యానికి మూలం నిగ్రహం,
నిగ్రహంలోనే అంతా శూన్యం...
కర్తవ్య దీక్షలో కాంతి నిగ్రహం,
కాలగమనంలో సమత్వం నిగ్రహం,
సేవా భావంలో సౌఖ్యం నిగ్రహం,
సత్య మార్గంలో సాధన నిగ్రహం,
నిగ్రహంలోనే అంతా శూన్యం...
అహమును విడిచిన ఆత్మకు శూన్యం,
అరాటములు వీడిన చిత్తానికి శూన్యం,
బంధములు దాటిన భావానికి శూన్యం,
పరబ్రహ్మ తత్వమే తెలిసినపుడు శూన్యం,
నిగ్రహంలోనే అంతా శూన్యం...
*****
నేటి పాట
పల్లవి
ఒక్క మాట చెప్పలేను…
చక్కదాన్ని మెప్పలేను…
చుక్క లేక నప్పలేను…
బక్కచిక్కి ఉండలేను…
మందు సొగసా? మత్తైన పూదో…
మది మురిసే మధురమైన పూదో!
చరణం – 1
అందం ఇచ్చునే పెక్కు…
చందం ఇచ్చునే చిక్కు…
మేదం పెరుగునే దిక్కు…
గంధం దక్కునే మొక్కు…
సంతసమే బ్రహ్మానందం…
మనసంతా మధురానందం…
మందు సొగసా? మత్తైన పూదో…
మది మురిసే మధురమైన పూదో!
చరణం – 2
అందం ఎవరి సొంతమో…
గంధం ఎవరి శాంతమో…
మోదం ఎవరి పొంతమో…
వేదం ఎవరి కాంతమో…
గదరా! ఏమా భాగ్యయోగం…
మనసు పొందే మధురభాగ్యం…
మందు సొగసా? మత్తైన పూదో…
మది మురిసే మధురమైన పూదో!
చరణం – 3
ఎందెందునైనా నిట్టి…
పందెమేదని యట్టి…
మండమేదని మెట్టి…
చిందమేదని చుట్టి…
సుందరి లేనిచోటేదీ?
పూబోణి లేనిచోటేదీ?
మందు సొగసా? మత్తైన పూదో…
మది మురిసే మధురమైన పూదో!
చరణం – 4
మందేదో ఇది మత్తు…
చిందేదో అది చిత్తు…
ముందేదో ఇది మెత్తు…
నాందేదో అది నెత్తు…
మందు సొగసే మత్తైనది…
పూదో పరిమళమై పూసినది…
మందు సొగసా? మత్తైన పూదో…
మది మురిసే మధురమైన పూదో!
******
శీర్షిక: ఒక కవి హెచ్చరిక
పల్లవి
ఎందుకు ఈ వ్యర్థ ప్రయోగాలు?
జీవితమే భారమైనందుకా?
ఎందుకు ఈ అంతర్జాల యాత్రలు?
మరణాన్ని ఆపగలవా?
ఎందుకు ఈ వ్యర్థ ప్రయోగాలు?
మనసుల్ని దూరం చేసినవా?
ఎందుకు ఈ యంత్ర విప్లవాలు?
మానవత్వం మరిచినవా?
చరణం – 1
సముద్రాలన్నీ ఈదుతున్నావు యంత్ర బలంతో, పాతాళాన్ని వెతుకుతున్నావు విజ్ఞాన వెలుగుతో,
నింగిని కొలుస్తున్నావు కొత్త కొత్త చూపుతో,
మనిషి హృదయం గెలిచావా చెప్పు నిజముతో?
గగనాన్ని తాకినా గుండెను తాకలేక,
వేగముగా పరిగెత్తి ప్రేమను నిలపలేక,
విజ్ఞాన శిఖరమై వెలుగులు నింపినా,
విలువల దీపమై వెలగకపోతే ఏమిటి?
పల్లవి
ఎందుకు ఈ వ్యర్థ ప్రయోగాలు?
జీవితమే భారమైనందుకా?
ఎందుకు ఈ అంతర్జాల యాత్రలు?
మరణాన్ని ఆపగలవా?
చరణం – 2
జానెడు పొట్టకు గుప్పెడు మెతుకులు అందక,
జీవన పోరాటం నిత్యమై నిలువక, పని చేసే చేతులకు దారి లేకుండగా,
యంత్రాల మహిమతో యేమి లాభమయ్యగా?
శ్రమను తగ్గించాలి, మనిషిని కాదు, సౌఖ్యము పెంచాలి, సోమరితనం కాదు, విజ్ఞాన ఫలమంటే సేవకై ఉండాలి, బాధలను పెంచే భారమై మారకూడదు.
చరణం – 3
రోగమును చూసేది యంత్ర సహాయమే,
రోగిని కాపాడేది మానవ హృదయమే,
ధనమే లక్ష్యమై దయ మరచిన చోట,
వైద్యము వ్యాపారమై వేదన మిగుల్చునే.
న్యాయము నిలవాలి, నీతి వెలగాలి,
మానవ గౌరవమే ముందు సాగాలి,
ప్రగతి పేరుతో ప్రజలను మరచితే,
ప్రశ్నల తుఫాను ఒక రోజు లేవదీయునే.
ముగింపు
విజ్ఞానమా! నీవు మానవుని మిత్రుడవు,
వినాశమునకు కాదు, వికాసమునకు సేతువువు,
యంత్రం చేతిలో కాదు భవితవ్య నిర్ణయం,
మానవత్వమే నిలుపును జగతి జీవనం!
-***
ఓం శ్రీ రామ.. శ్రీ మాత్రేనమః
